Վերջին ժամանակներս ղարաբաղյան հակամարտության բանակցությունների շուրջ ակտիվության աստիճանական անկում է նկատվում։ Այս մասին հոկտեմբերի 23-ին հայտարարել է բրիտանական LINKS հասարակական կազմակերպության գործադիր տնօրեն Դենիս Սամուտը։
«Հիասթափություն են ապրում եւ Ադրբեջանը, եւ Հայաստանը, եւ միջազգային հանրություն ը՝ կապված այն բանի հետ, որ վերջին երկու տարում ղարաբաղյան հակամարտության շուրջ ոչ մի լուրջ առաջընթաց չի գրանցվել։ Եկել է բանակցային գործընթացն աշխուժացնելկու ժամանակը»,- կարծում է բրիտանացի փորձագետը։
Ինչպես հայտնում է ադրբեջանական АПА գործակալությունը, Սամուտը դրականորեն է արտահայտվել երեք երկրների նախագահների կայանալիք հանդիպման մասին։ LINKS-ի ղեկավարը նշել է, որ հակամարտության լուծման համար «ճանապարհային քարտեզ է պետք», ոչ թե հերթական հռչակագիրը։ «Մեզ հռչակագրեր պետք չեն։ Հակամարտությունից տուժած մարդիկ ուզում են փոփոխություններ տեսնել»,- ասել է նա։