Հոկտեմբերի 25-ին աշխատանքային երկօրյա պաշտոնական այցով Իրան ժամանած Հայաստանի վարչապետ Տիգրան Սարգսյանը առաջին հանդիպում-առանձնազրույցն անցկացրել է Իրանի նախագահական համալիրի կենտրոնական մասնաշենքում` Իրանի նախագահի առաջին տեղակալ Մոհամմադռեզա Ռահիմիի հետ։
Կառավարության մամուլի ծառայությունից NEWS.am-ին հայտնում են, որ հանդիպման ժամանակ քննարկվել են երկկողմ հետաքրքրություն ներկայացնող հարցեր։
Առանձնազրույցին հաջորդել է ընդլայնված կազմով հանդիպում, որին մասնակցել են վարչապետի գլխավորած պատվիարկության անդամները։
Հայաստան-Իրան երկկողմ հարաբերությունները զարգանում են ի շահ երկու պետությունների։ Իրագործվել եւ իրագործվում են մի շարք ծրագրեր, որոնք կապահովեն հարաբերությունների նոր մակարդակ, մասնավորապես ապրանքաշրաջնառության ծավալը Հայաստանի եւ Իրանի հանրապետությունների միջեւ կազմում է տարեկան միջինը 200 միլիոն դոլար։ Հայաստանից Իրան մեծասամբ արտահանվում են կենդանական ծագման մթերքներ, հանքահումքային ապրաննքներ, իսկ Իրանից Հայաստան` վառելիք, պարարտանյութեր եւ այն։