Transparency International-ը հրապարակել է ամենամյա հետազոտության արդյունքները՝ Կոռուպցիայի ընկալման համաթիվը 2010 թվականի համար:
Հայաստանը հայտնվել է վարկանիշի 123-րդ տեղում, Ադրբեջան ու Ոկրաինան՝ 134-րդ: Առաջին հարյուրյակում է Վրաստանը՝ 68-րդ տեղ:
Ռուսաստանը կորցրել է 8 կետ, իսկ կոռուպցիայի ընկալման համաթիվը 2,2-ից իջել է 2,1-ի: Նույն դիրքերում են նաեւ Կամբոջան, Գվինեա-Բիսաուն, Քենիան, Պապուա-Նոր Գվինեան եւ Տաջիկստանը:
Հետխորհրդային տարածքում լավագույն վիճակում են Էստոնիան՝ 26, Լիտվան՝ 46, եւ Լատվիան՝ 59-րդ հորիզոնականներ:
Վարկանիշի առաջատարը ավանդաբար սկանդինավյան երկրներն են: 9,3 ցուցիչով առաջատարը Դանիան է, որը հորիզոնականը կիսել է Նոր Զելանդիայի եւ Սինգապուրի հետ: Չորրորդում՝ Ֆինլանդիան ու Շվեդիան են: ԱՄՆ-ը վարկանիշում հայտնվել է 22-րդ տեղում: