Եվրոպոլի մասնագետները զգուշացրել են ԵՄ-ում եւ ԱՄՆ-ի գլխավորած միջազգային կոալիցիայի մյուս երկրներում նոր ահաբեկչությունների սպառնալիքի մասին: Այս մասին նշված է գերատեսչության զեկույցում: Եվրոպոլի տվյալներով՝ ահաբեկիչները կշարունակեն օգտագործել այն նույն մեթոդներն ու սարքերը, որոնք կիրառվել են Ֆրանսիայում եւ Բելգիայում 2015 եւ 2016 թվականներին իրականացված ահաբեկչություններում: Հարձակումները կարող են իրագործվել ինչպես կազմակերպված խմբերի, այնպես էլ միայնակ ահաբեկիչների կողմից, փոխանցում է «ՌԻԱ Նովոստի»-ն:
Ահաբեկչական հարձակումների կազմակերպիչներ եւ «ոգեշնչողներ» կարող են լինել ոչ միան «Իսլամական պետություն» ահաբեկչական խմբավորման, այլեւ մյուս արմատական խմբավորումների, մասնավորապես՝ «Ալ Քաիդայի» եւ «Ջեբհաթ ան Նուսրայի» գրոհայինները:
Եվրոպոլը նշել է Սիրիան եւ Իրաքը լքող գրոհայինների թվի աճի մասին:
