Չնայած հոկտեմբերի 27-ին ՌԴ նախագահի միջնորդությամբ Աստրախանում Հայաստանի և Ադրբեջանի նախագահների միջև տեղի ունեցած եռակողմ հանդիպման արդյունքում ստորագրված «Մարդասիրական հռչակագրի», այդուհանդերձ ղարաբաղա-ադրբեջանական զորքերի շփման գոտում տակավին շարունակվում են արձանագրվել հրադադարի ռեժիմի խախտման դեպքեր:
Լեռնային Ղարաբաղի պաշտպանության նախարարության մամուլի ծառայությունից NEWS.am-ին հայտնում են, որ Ղարաբաղի եւ Ադրբեջանի զինված ուժերի շփման գոտու մի շարք հատվածներում հոկտեմբերի 28-ի լույս 29-ի գիշերը Ադրբեջանի ԶՈՒ առաջապահ ստորաբաժանումների կողմից տարբեր տրամաչափի հրաձգային զենքերից եւ դիպուկահար հրացաններից հրադադարի ռեժիմը խախտվել է 17 անգամ, որի ընթացքում ղարաբաղյան դիրքապահների հենակետերի ուղղությամբ արձակվել է շուրջ 120 կրակոց:
Պաշտպանության բանակի առաջապահ ստորաբաժանումների ձեռնարկած պատասխան գործողություններից հետո հակառակորդը լռել է:
Լուսանկարը՝ Գագիկ Շամշյանի