ՌԴ նախագահ Վլադիմիր Պուտինը հայտարարել է, որ փոխել է իր կարծիքը Թուրքիայի կողմից ռուսական Սու–24-ը խոցելու մասին այն բանից հետո, երբ Անկարայում սպանվել էր ՌԴ դեսպան Անդրեյ Կարլովը, փոխանցում է Gazeta–ն։
«Դեսպանի սպանությունն առաջին հերթին Ռուսաստանի դեմ հարձակում էր։ Անկեղծ ասած՝ ես թերահավատորեն էի վերաբերվում թեզիսին, որ ռուսական օդանավը խոցվել է առանց ամենաբարձր ղեկավարության հրամանի։ Բայց հիմա ակնհայտ է, որ ամեն բան հնարավոր է։ Ապակառուցողաական տարրերը ներթափանցել են Թուրքիայի իշխանության ամենավերին օղակներ եւ ուժային գերատեսչություններ»,– ասել է Պուտինը։
Նա նշել է, որ Ռուսաստանի եւ Թուրքիայի հարաբերությունները շարունակում են զարգանալ։
