Հոկտեմբերի 30-ի լույս 31-ի գիշերը ժամը 24:00-ի սահմաններում Կոմիտաս-Վաղարշյան փողոցների խաչմերուկում տեղի է ունեցել ավտովթար: Վթարի վայր ժամանած ճանապարհային ոստիկանության աշխատակիցները տեղում հայտնաբերել են «Ավանգարդ» տաքսի ծառայության Տ 6778 համարանիշի եւ «Նանա» տաքսի ծառայության Տ 6700 համարանիշի մեքենաները՝ վթարված վիճակում:
Ինչպես NEWS.am-ին հայտնեց ֆոտոլրագրող Գագիկ Շամշյանը, դեպքի վայրում ե՜ւ տաքսի մեքենաների վարորդները, ե՜ւ ականատեսները հայտնել են, որ վթարը տեղի է ունեցել սեւ գույնի «Մերսեդես-Բրաբուս» մակնիշի ավտոմեքենայի կողմից, որը հարվածել էր տաքսիներին ու դիմել փախուստի: Ականատեսները հասցրել են տեսնել «Բրաբուսի» համարանիշի միայն թվային տվայլները 05..100:
«Ավանգարդ» տաքսի ծառայության ավտոմեքենայի վարորդին տեղափոխել են «Արմենիա» բժշկական կենտրոն:
Վթարի վայր են ժամանել Երեւանի Ճանապարհային ոստիկանության աշխատակիցներն ու ճանապարհա-տրասպորտային հանցագործությունների քննության բաժնի քննիչները: Դեպքի վայրում կատարվում են տեղազննման աշխատանքներ: Ոստիկանները փորձում են ճշտել «Բրաբուսի» տվյալները:
Լուսանկարները եւ տեանյութը՝ Գագիկ Շամշյանի