Թուրքիան ողջունում է Աստրախանում Հայաստանի, Ադրբեջանի եւ Ռուսաստանի նախագահների համատեղ հռչակագիրը: «Մենք ողջունում ենք Աստրախանի գագաթաժողովում Ադրբեջանի նախագահ Իլհամ Ալիեւի եւ Հայաստանի նախագահ Սերժ Սարգսյանի համաձայնությունը մի քանի հումանիտար հարցերում»,- ասված է Թուրքիայի ԱԳՆ հայտարարության մեջ:
«Թուրքիան հույս ունի, որ աստրախանյան գագաթաժողովը դրական ներդրում կունենա ԼՂ խնդրի կարգավորման հարցում, ազդակ հաղորդելով խնդրի կարգավորմանն ուղղված ջանքերին: Մենք նաեւ ցանկանում ենք, որպեսզի քայլերը, որոնք պետք է ձեռնարկվեն հումանիտար հարցերում, ուղեկցվեն կոնկրետ նախաձեռնություններով նաեւ այլ ոլորտներում: Թուրքիան հետագայում եւս ամբողջությամբ աջակցելու է նախաձեռնություններին, որոնք կարող են նպաստել կողմերի միջեւ հաշտության հասնելու ոգի եւ հիքմ ստեղծելուն»,- Թուրքիայի ԱԳՆ հայտարարության տեքստն է մեջբերում Anadolu գործակալությունը:
Հիշեցնենք, որ հոկտեմբերի 27-ին Աստրախանում Հայաստանի, Ադրբեջանի եւ Ռուսաստանի նախագահների բանակցությունների արդյունքում հռչակագիր է ստորագրվել, որը ենթադրում է ռազմագերիների ու զիհվածների աճյունների վերադարձ եւ կրում է հումանիտար բնույթ:
