Հայտնի են դարձել այն երկու հայերի անունները, ում ձերբակալել էին Վրաստանում հոկտեմբերի 17-ին Ռուսաստանի օգտին լրտեսություն անելու մեղադրանքով:
Դրանք գործարարներ Արմեն Գեւորգյանն ու Ռուբեն Շիկոյանն են: Գեւորգյանը Ասլան Աբաշիձեի օրոք ղեկավարել է Աջարիայի հայկական սփյուռքը: Ավելի վաղ վրացական աղբյուրները հաղորդել էին, թե երկու տղամարդիկ էլ Բաթումիի բնակիչներ են:
Նրանցից մեկը ներկայումս գտնվում է հիվանդանոցում, քանի որ շաքարախտով հիվանդ է:
Ինչպես ավելի վաղ հայտնել է Reuters-ը, Վրաստանում ձերբակալվել է 20 անձ՝ լրտեսության մեղադրանքով: Վրաստանի ՆԳՆ տեղեկատվական դեպարտամենտի ղեկավար Շոթա Ուտիաշվիլին հաղորդել է, որ գործի մանրամասները կհրապարակվեն նոյեմբերի 5-ին:
