Ռուսաստանում ձերբակալել են ադրբեջանցի սերիական մարդասպանին, ով մի քանի տարի առաջ փախել է Ադրբեջանի բանակից եւ թաքնվել Ռուսաստանում: Նրա կողմից կատարված սպանությունների շարքը լայն արձագանք է ստացել ադրբեջանական համայնքի շրջանակում, որից հետո Ադրբեջանի նախագահը գործն իր անձնական վերահսկողության տակ է առել: Ադրբեջանի իրավապահ մարմինները միջպետական հետախուզում էին հայտարարել դասալիքի ու մարդասպանի նկատմամբ:
Նա ձերբակալվել է Ռուսաստանի Բելգորոդի մարզում: Ինչպես հաղորդում է մարզի ՆԳ վարչության մամուլի ծառայությունը, ներկայումս քննարկվում է նրան էքստրադիցիայի ենթարկելու խնդիրը: Ադրբեջանցու անունն ու տարիքը չի հաղորդվում:
