Բավարիայի կառավարության սոցիալական հարցերի նախարար Քրիստինա Հադերտհաուերը միգրանտներից պահանջել է մեկ տարվա ընթացքում գերմաներեն սովորել՝ հակառակ դեպքում սպառնալով կտրել սոցիալական նպաստները։
Նախարարն անընդունելի է համարել իրավիճակը, երբ այլ երկրից ներգաղթյալի կողմից բերված կինը տարիներով ապրում է Գերմանիայում, չի աշխատում, զբաղվում է բացառապես երեխաների դաստիարակությամբ եւ դեռ գերմաներեն էլ չի խոսում։ Քրիստինա Հադերտհաուերը հայտարարել է, որ հաջողությամբ ինտեգրվելու պատասխանատվությունն ընկած է ոչ թե իշխանությունների, այլ առաջին հերթին՝ միգրանտների վրա։
Նշենք, որ 1969 թվականից Գերմանիայում գործում է Գերմանիայի հայերի կենտրոնական խորհուրդը։ Դրա կազմում կան 12 ՀԿ-ներ եւ հարյուրավոր անհատ անդամներ։ Գերմանիայի հայ համայնքը բաղկացած է 60 հազար մարդուց, հայտնում է Ռուսաստանի հայերի «Երկրամաս» թերթը։
