Նոյեմբերի 10-ից 17-ն ընկած ժամանակահատվածում ոստիկանության տարբեր ստորաբաժանումներ ներկայացած քաղաքացիները կամավոր հանձնել են որսորդական 7 հրացան, 4 ատրճանակ, 8 պահունակ, 16 նռնակ, նռնակի 9 պայթուցիչ, տրոտիլե 8 գլանակ, հրթիռանետի 1 արկ, ականանետի մեկ ական, 20 սմ բիքֆորդյան քուղ եւ տարբեր տրամաչափի 2802 փամփուշտ:
Ոստիկանության մամուլի ծառայությունից NEWS.am-ին հայտնում են, որ նույն ժամանակահատվածում ոստիկանության ծառայողները հայտնաբերել են որսորդական 6 հրացան, 4 նռնակ, նռնակի 1 պայթուցիչ, հակատանկային արկ, 200 գրամ ամոնալ եւ տարբեր տրամաչափի 976 փամփուշտ: