Կարմիր խաչի միջազգային կազմակերպության ներկայացուցիչները այցելել են ադրբեջանական գերության մեջ գտնվող Հայաստանի քաղաքացի Արթուր Բադալյանին:
Նոյեմբերի 12-ին տեղի ունեցած հանդիպման ժամանակ Կարմիր խաչի աշխատակիցները գերուն են փոխանցել նրա ընտանիքի անդամների նամակը, ծանոթացել նրա առողջական վիճակին եւ պայմաններին: Բադալյանը, իր հերթին, նամակ է փոխանցել ընտանիքին:
Արթուր Բադալյանը քաղաքացիական անձ է:
Նոյեմբերի 5-ին միջազգային Կարմիր խաչի ներկայացուցիչները հանդիպել էին նաեւ ադրբեջանական գերության մեջ գտնվող բոլոր 12 հայաստանցիների հետ: