Ադրբեջանի Կենտրոնական ընտրական հանձնաժողովը այսօր՝ նոյեմբերի 20-ին քննել է Ղազախի թիվ 107 եւ Բինագադինի թիվ 9 ընտրատարածքներում ընտրությունների արդյունքները չեղյալ հայտարարելու մասին դիմումները:
Դիմում-բողոքները մասամբ բավարարվել են եւ յուրաքանչյուր ընտրատարածքում չեղյալ են հայտարարվել հնգական ընտրատեղամասի արդյունքները:
Ինչպես արդեն նշել է NEWS.am-ը, նոյեմբերի 7-ին ընտրություններ են կայացել Ադրբեջանում: Ընտրողների մասնակցությունը կազմել է 50,14 տոկոս (2 մլն 480 հազար 205 մարդ): Եւ հաղթանակ է տարել կառավարող կուսակցությունը: