Մոսկվայի արեւելյան հատվածում նոյեմբերի 22-ին սպանվել են երկու տղամարդ. Նրանց վրա կրակել են ավտոմատ զենքից, հաղորդում է «ԻՏԱՌ ՏԱՍՍ»-ը՝ հղում անելով իրավապահ մարմիններին:
«Նախնական տվյալներով, մարդասպաններն իրենց առանց համարանիշների արծաթագույն Audi ավտոմեքենայով կտրել են Mazda-6 մեքենայի առաջը,. Որի մեջ են եղել զոհերը: Նրանք ապագա զոհերին ստիպել են կանգ առնել, որից հետո կրակ են բացել նրանց ուղղությամբ: Ստացված վնասվածքներից տուժածները տեղում մահացել են՝ նախքան շտապօգնության մեքենայի ժամանելը»,- ասել է իրավապահ մարմինների աղբյուրը:
Life News-ի տեղեկություններով, տղամարդկանցից մեկը մահացել է հենց մեքենայի սրահում, իսկ մյուսը հասցրել է դուրս գալ փողոց, բայց ընկել է գնդակների տարափի տակ: Զոհվածների կողքին հայտնաբերել են անձնագիր: Այն ամբողջությամբ արյան մեջ է եղել, ուստի հնարավոր է եղել կարդալ միայն զոհի ազգանունը՝ Իսմայիլով, ծննդավայրն՝ Ադրբեջան, բնակության վայրը՝ Դաղստան: