Ռուսաստանի ԱԳ նախարար Սերգեյ Լավրովն այսօր` նոյեմբերի 24-ին ընդունել է ԵԱՀԿ Մինսկի խմբի համանախագահներ Բեռնար Ֆասյեին (Ֆրանսիա), Ռաբերտ Բրադկեին (ԱՄՆ) եւ Իգոր Պոպովին (Ռուսաստան), ինչպես նաեւ ԵԱՀԿ գործող նախագահի ներկայացուցիչ Անջեյ Կասպշիկին (Լեհաստան):
Հանդիպման ընթացքում քննարկվել են ԼՂ հակամարտության կարգավորման արդիական խնդիրները` դեկտեմբերի 1-2-ին Աստանայում կայանալիք ԵԱՀԿ գագաթաժողովի կոնտեքստում:
Ավելի վաղ NEWS.am-ը հայտնել էր, որ ԵԱՀԿ գագաթաժողովի նախաշեմին Ադրբեջանի ԱԳ նախարար Էլմար Մամեդյարովը հայտարարել էր, որ իր կարծիքով, Աստանայում կայանալիք ԵԱՀԿ գագաթաժողովը կարող է բեկումնային լինել ԼՂ խնդրի կարգավորման հարցում:
Հիշեցնենք, որ այդպիսի հնարավորության մասին խոսել է նաեւ ՌԴ նախագահ Դմիտրի Մեդվեդեւը` հոկտեմբերի 27-ին Հայաստանի, Ադրբեջանի եւ Ռուսաստանի նախագահների եռակողմ հանդիպման ժամանակ:
