ՈւրբաթՍեպտեմբեր 19
  • USD 407.38
  • EUR 524.3
  • RUB 10.6

Մեկնարկում է «Ընդդեմ գենդերային բռնության ակտիվության 16-օրյակ» քարոզարշավը

21:37, 25.11.2010 Տարածաշրջան: Աշխարհում, Հայաստան Թեմա: Քաղաքականություն

ՄԱԿ-ի բնակչության հիմնադրամը մեկնարկում է «Ընդդեմ գենդերային բռնության ակտիվության 16-օրյակ» քարոզարշավը: Այդ կապակցությամբ այսօր` նոյեմբերի 25-ին ՄԱԿ-ի հայաստանյան գրասենյակում տեղի է ունեցել մամուլի ասուլիս, որին ներկա էին ՀՀ Աշխատանքի եւ սոցիալական հարցերի փոխնախարար Ֆիլարետ Բերիկյանը, ՄԱԿ-ի Բնակչության հիմնադրամի (ՄԱԲՀ) ներկայացուցչի տեղակալ Գարիկ Հայրապետյանը եւ ՄԱԲՀ «Ընդդեմ գենդերային բռնության Հարավային Կովկասում» ծրագրի ղեկավար Ջինա Սարգիզովան:

Մամլո ասուլիսի ժամանակ բաժանվել են ՄԱԿ-ի Գլխավոր քարտուղարի եւ ՄԱԲՀ գործադիր տնօրենի ուղերձները նվիրված նոյեմբերի 25-ին` Կանանց նկատմամբ բռնության վերացման միջազգային օրվան, ինչպես նաեւ 16-օրյակի ժամանակացույցը: Այն նախատեսում է տարատեսակ միջոցառումներ` այդ թվում բեմադրություն, ռոք համերգ, կանանց նկատմամբ բռնությանը վերաբերող հետազոտության արդյունքների ներկայացում, սոցիալական տեսահոլովակների եւ ֆիլմերի ցուցադրում, տեղեկատվական հանդիպումներ եւ սեմինարներ Երեւանում եւ մարզերում: Ուշադրության կենտրոնում են կանանց նկատմամբ բռնության մշակութային եւ ազգային կողմերը, ներընտանեկան բռնությունը, թրաֆիքինգը, ՄԻԱՎ/ՁԻԱՀ համաճարակը, տղամարդկանց դերը գենդերային բռնության դեմ պայքարում եւ երիտասարդների մասնակցությունը գենդերային բռնության դեմ շարժմանը:

Ասուլիսից հետո բացվեց «Կանանց նկատմամբ բռնություն» թեմայով ցուցահանդեսը, որի շրջանակներում ցուցադրվում են լուսանկարների տարածաշրջանային համանուն մրցույթի մասնակիցների աշխատանքները: Բացումից հետո հայտարարվել եւ պարգեւատրվել են մրցույթի հաղթողները`Սառա Անջարգոլյանն իր «Նարինեի երգը» լուսանկարով (1-ին մրցանակ), Արման Մկրտչյանը (Արչի)` «Բռնություն» լուսանկարով (2-րդ մրցանակ) եւ Անի Ավետիսյանն իր «Մարիոնետ» լուսանկարով (3-րդ մրցանակ):

 «Ընդդեմ գենդերային բռնության ակտիվության 16-օրյակ»-ը  ամենամյա միջազգային քարոզարշավ է, որը մեկնարկում է նոյեմբերի 25-ին եւ տեւում է մինչեւ դեկտեմբերի 10-ը` Մարդու իրավունքների միջազգային օրը: Քարոզարշավի ակունքներում ընկած է 1989 թ.-ին կանադացի 14 ուսանողուհիների դաժան սպանությունը, որը հիմք դրեց եւս մեկ` կանանց նկատմամբ բռնությունից հրաժարումը խորհրդանշող «Սպիտակ ժապավեն» քարոզարշավին: 1991 թ.-ից ի վեր իրականացվող քարոզարշավի մասնակիցների բանակը ներառում է ավելի քան 2,000 կազմակերպություն` 156 երկրում: Հայաստանում 16-օրյակն իրականացվում է 2001 թ.-ից:

Լուրեր Հայաստանից - NEWS.am

Այս թեմայով

ՀՀ ՊՆ մամուլի խոսնակ. Ամեն մի ադրբեջանական լուր չէ, որ հարկավոր է մեկնաբանել

Հայկական կողմն իր կորուստները հստակորեն հայտնում է անուն առ անուն, ավելին մեր հերոսների հուղարկավորությանը մասնակցում են բանակի ղեկավարությունը...

Մարտակերտում զոհված Զորիկ Գեւորգյանն ավագ լեյտենանտ էր

NEWS.am-ի տեղեկություններով՝ Զորիկ Գեւորգյանի ընտանիքն ապրում է Վանաձորում...

«Հայկական ժամանակ». Ովքեր են ամենաշատ բացակայող պատգամավորները

Տասնյակում երրորդը Կարեն Կարապետյանն է՝ 43 բացակա: Չորրորդը՝ ԲՀԿ-ական պատգամավոր Արագած Ախոյանն է՝ 28 բացակա, հինգերորդը՝ Գագիկ Ծառուկյանի խնամի, ԲՀԿ-ական պատգամավոր Մուրադ Գուլոյանը՝ 25 բացակա...

«Ժողովուրդ». Կոտայքի մարզի Քասախ համայնքում քաղաքական սկանդալ է հասունանում

Շատ անգամ գնացել խնդրել, պաղատել եմ, թե՝ եկեք աշխատեք, ինչ որ առաջարկում ենք դրեք քննարկեք եւ այլն: Չեկան ու վերջ...

«Հայաստանի նոր քաղաքական մշակույթ»-ը իրական ընդդիմություն է.Անի Զախարյան

Այսօրվա ոչ լեգիտիմ իշխանությունը միմիայն պետք է ուրախ լինի, որ Հայաստանի քաղաքական իրականություն մուտք է գործել ՀՆՔՄԿ, որը առանց որեւէ լծակների...

Անի Զախարյանն առաջարկում է աղջիներին ծառայել բանակում

Ես ինքս երիտասարդ կին եմ, բայց պատանեկան տարիներին երազում էի բանակում ծառայել...