Մոսկվայի մարզի Զելենոգրադի շրջանային դատարանը 1 տարվա ազատազրկման է դատապարտել 11 տարեկան աղջկան վրաերթի ենթարկած եւ դեպքի վայրից անհետացած վարորդին:
Հայաստանի քաղաքացի 26-ամյա Պավլուշ Ն.-ն մեղավոր է ճանաչվել երթեւեկության կանոները խախտելու մեջ, որը հանգեցրել է մարդուն առողջությանը ծանր վնաս հասցնելուն:
Դեպքը տեղի է ունեցել այս տարվա մայիսի 6-ին: Երկու աշակերտուհիներ կանգառում դուրս են եկել ավտոբուսից եւ որոշել անցնել փողոցը չնախատեսված վայրից: Աղջիկներից մեկը քայլ է արել դեպի փողոց եւ ընկել «ՎԱԶ-2107» մակնիշի մեքենայի տակ, որը վարել է Պավլուշ Ն.-ն:
Հարվածից հետո վարորդը սկզբում արգելակել է. սակայն հետո կրկին շարժվել է եւ տրորելով աղջնակին` անհետացել դեպքի վայրից:
Տուժած 11-ամյ աջկան ծանր վիճակում տեղափոխել են Տուշինսկի հիվանդանոցի վերակենդանացման բաժանմունք:
Ականատեսների վվայությունների օգնությամբ ոստիկանները կարողացել են մի քանի րոպե անց հայտնաբերել այն ավտոմեքենան, որով կատարվել էր վրաերթը: Որոշ ժամանակ անց հայտնաբերվել է նաեւ վարորդը:
