Թուրքիայի հասարակությունն անհանգստացած է Ադրբեջանի հետ վիզային ռեժիմի պահպանման փաստով: Այդ մասին հայտարարել է Ադրբեջանում Թուրքիայի դեսպան Հուլուսի Քըլըջը:
«Ես բազում նամակներ եմ ստանում Թուրքիայի քաղաքացիներից, որոնք խնդրում են բացատրել, թե ինչու եղբայրական երկրների միջեւ դեռ գործում է վիզային ռեժիմը: Ես անգամ առաջարկում եմ, որ երկու երկրների քաղաքացիներն այցելեն Ադրբեջան եւ Թուրքիա` անձը հաստատող փաստաթղթերով, ինչպես Թուրքիայի եւ Հյուսիսային ԿԻպրոսի դեպքում»,- ասել է Քըլըջը:
Նշենք, որ Ադրբեջանը հրաժարվում է Թուրքիայի հետ վիզային ռեժիմի հանելու վերաբերյալ պայմանագիր ստորագրել:
