Թուրքիայի Անթաքիա քաղաքում մեկնարկեց կանանց աշխարհի անհատական առաջնությունը 64 ուժեղագույն գրոսմայստերների մասնակցությամբ: Նոկաուտ մրցակարգով առաջնության յուրաքանչյուր տուրում մասնակիցների թիվը կկիսվի:
Առաջին տուրի առաջին պարտիայում անհաջող հանդես եկան Հայաստանի ներկայացուցիչները: Էլինա Դանիելյանը սեւերով պարտվեց ռուսաստանցի Տատյանա Շադրինային, իսկ Լիլիթ Մկրտչյանը սիպտակներով ոչ ոքի խաղաց չինացի Սյաովեյ Ցզյանի հետ:
Այսօր, դեկտեմբերի 5-ին կայանան առաջին տուրի պատասխան պարտիաները: Հավասար արդյունքի դեպքում վաղը, դեկտեմբերի 6-ին զույգերը կանցկացնեն թայ-բրեք:
Պետք է նշել, որ թուրք կազմակերպիչներն առաջին տուրի առաջին օրը կազմակերպել են հնագիտական թանգարանում:
