Երեւանի քաղաքապետի ժամանակավոր պաշտոնակատար Տարոն Մարգարյանի որոշմամբ, մայրաքաղաքի ավագանին դեկտեմբերի 13-ին կգումարի արտահերթ նիստ, որի օրակարգում մեկ հարց է` «Երեւանի քաղաքապետի ընտրությունների ժամկետը սահմանելու մասին»: Այդ մասին NEWS.am-ին հայտնեցին քաղաքապետարանի մամուլի ծառայությունից:
Նշենք, որ դեկտեմբերի 8-ին Երեւանի քաղաքապետ Գագիկ Բեգլարյանը հրաժարական էր տվել Հայաստանի նախագահի աշխատակազմի արարողակարգի բաժնի աշխատակից Արամ Կանդայանին ծեծի ենթարկելու միջադեպից հետո: «Երեւան քաղաքի տեղական ինքնակառավարման մասին» օրենքի համաձայն Երեւանի քաղաքապետն ընտրվում է ավագանու կողմից մեկ ամսվա ընթացքում: Հանրապետական կուսակցությունն ավագանիում 35 մանդատ ունի: Լուրեր են շրջում, թե ՀՀԿ-ն մտադիր է քաղաքապետի պաշտոնում առաջադրել Տարոն Մարգարյանի թեկնածությունը:
Տարոն Մարգարյանն առաջին փոխքաղաքապետն է, նախկին վարչապետ Անդրանիկ Մարգարյանի որդին: