Հայաստանի կառավարությունը Մոսկվայի համառուսաստանյան ցուցահանդեսային կենտրոնում 50 տարով վարձակալել է շինություն՝ տարեկան 1 ռուբլի վարձավճարով։ Խոսքը վերաբերում է «Հայաստան» տաղավարին։
Նշենք, որ Հայաստանն այդ շենքն օգտագործում է դեռեւս 2002 թվականից՝ ամեն տարի կնքելով վարձակալման միամյա պայմանագիր։
Շենքը սկզբնապես ունեցել է 79 տոկոս մաշվածություն, սակայն հայկական «Արմիմպորտ» ընկերությունն այն հիմնովին վերանորոգել է։
Հայաստանի Հանրապետության ցուցահանդեսային կոմերցիոն կենտրոնի «Հայաստան» տաղավարի բացումը տեղի է ունեցել 2003թ. փետրվարին՝ Հայաստանի նախագահի Ռուսաստան պաշտոնական այցի շրջանակներում: «Հայաստան» տաղավարի գործունեության հետ կապված բոլոր ծախսերը կատարվում են «Արմիմպորտ» ՍՊԸ-ի միջոցների հաշվին:
