Դեկտեմբերի 15–ին Էկոնոմիկայի նախարարությունում ստորագրվել է «Հայկական կոնյակագործների միության» հիմնման վերաբերյալ պայմանագիր:
Նախարարության մամուլի ծառայությունից NEWS.am-ին հայտնում են, որ Միության ստեղծման նպատակը` հիմնադիրների ձեռնարկատիրական գործունեությունը համակարգելն է, ինչպես նաեւ ընդհանուր շահերը ներկայացնելն ու պաշտպանելը:
Միությունը նպաստելու է նաեւ «Հայկական Կոնյակ» տեղանվանման պահպանությանը, հայկական կոնյակների եւ հայկական կոնյակի սպիրտների բարձր որակի ապահովման ու սպիրտների վաճառքի ծավալների մեծացմանը:
Պայմանագիրը կնքվեց 11 ընկերությունների կողմից` «Երեւանի կոնյակի գործարան» ՓԲԸ, «Երեւանի «Արարատ» կոնյակի-գինու-օղու կոմբինատ» ԲԲԸ, «Արտաշատ-Վինկոն» ՓԲԸ, «Գրեյթ Վելլի» ՀՁ ՍՊԸ , «Ավշարի գինու գործարան» ՍՊԸ, «Շահնազարյան» գինու-կոնյակի տուն» ՍՊԸ, «Ստեփանակերտի կոնյակի գործարան» ՓԲԸ, Արարատի կոնյակի գործարան «ԱԿԶ» ՍՊԸ, «Տավինկո» գինու-կոնյակի գործարան» ՍՊԸ, «Արեգակ» կոնյակի գործարան» ՍՊԸ, «Վեդի Ալկո» ՓԲԸ:
