Եվրամիությունը, հնարավոր է, Վրաստանի ավիացիան կմտցնի «սեւ ցուցակ», քանի որ վրացական ավիացիայում շատ ծանր իրավիճակ է եւ այն, ըստ էության, չի համապատասխանում ոչ մի ստանդարտների: Այս մասին հաղորդում է ambebi.ge-ն:
Նշվում է, որ այս ուղղությամբ Վրաստանը երկու խնդիր ունի իրականացնելու. Նախ այս երկրում ավիաընկերություններին չեն հարկադրում գրանցվել: Այն կազմակերպությունները, որոնք կասկածելի են թվում, եւ որոնք չեն կարողանում գրանցվել սեփական պետությունում, գալիս են Վրաստան եւ լիցենզավորվում: Դրանից հետո, նրանք չվերթներ են իրականացնում դեպի այլ երկրներ: Նրանց օդանավերը, որոնք տեխնիկապես չեն համապատասխանում ստանդարտներին, ենթարկվում են ավիավթարի: Այդ ժամանակ պատասխանատու է դառնում, ոչ թե կազմակերպությունը, այլ այն պետությունը որտեղ նրանք գրանցվել են:
Երկրորդ խնդիրն էլ այն է, որ պետությունում գոյություն չունի չվերթների անվտանգության ծառայություն: