Ազգային ժողովի այսօր՝ դեկտեմբերի 16-ին կայացած արտահերթ նիստն նշանավորվել է հանրապետականների եւ դաշնակների միջեւ տեղի ունեցած լեզվակռվով։ Ընդհանրապես, Կառավարության (որը խորհրդարանականների դատին է ներկայացրել 35 օրինագիծ) նախաձեռնությամբ գումարված արտահերթ նստաշրջանն առաջ է բերել ազգի ընտրյալների դժգոհությունը, ովքեր հայտարարել են, որ ժամանակ չեն ունեցել ծանոթանալ օրինագծերի հետ։
Այս կապակցությամբ, ՀՅԴ-ն ընտրել է բողոքի ծայրահեղ միջոց՝ բոյկոտելով խորհրդարանի նիստը։ Դաշնակցականների բունտը, ինչպես երեւում է, տվել է իր արդյունքները, քանի որ այսօրվա նիստի սկզբին ԱԺ նախագահ Հովիկ Աբրահամյանը հայտարարեց, որ Կառավարությունը հետ է կանչել մի քանի օրինագծեր։
ՀՅԴ խմբակցության ղեկավար Վահան Հովհաննիսյանն այս առումով նկատեց. «Մեզ, իհարկե, կարելի է շնորհավորել սրա համար, սակայն ես շարունակում եմ մնալ իմ այն մտքին, որ հայրենի կառավարությունն ավելի հեշտորեն փոխզիջման է գնում թուրքերի, քան՝ սեփական ժողովրդի հետ»։
Դրանից հետո ԱԺ նախագահը, ակնհայտորեն դժգոհ Հովհաննիսյանի արտահայտած մտքից, հրահանգել է անջատել նրա բարձրախոսը։ Իսկ հանրապետական Գագիկ Մելիքյանը այդ պահին կոպիտ ռեպլիկ է արել Հովհաննիսյանի հասցեին, ով նրան ի պատասխան, ասել է. «Չհամարձակվես գոռալ իմ վրա»։
Այնուհետ էստաֆետը վերցրել է «Ժառանգություն» խմբակցության ղեկավար Ստեփան Սաֆարյանը, ով հայտարարել է, որ եթե Կառավարությունը չփոխի իր աշխատաոճը, կուսակցությունը պայքարի այլ միջոցների կանցնի։ Այնուհետեւ Սաֆարյանը 20 րոպեանոց դադար է պահանջել։