Դեկտեմբերի 15-ին Լիբանանում Հայաստանի դեսպան Աշոտ Քոչարյանը հանդիպել է Լիբանանի արդյունաբերության նախարար Աբրահամ Դեդեյանի հետ եւ քննարկել հայ-լիբանանյան երկկողմ առեւտրատնտեսական հարաբերությունների աշխուժացման եղանակներն ու հեռանկարները:
ԱԳՆ մամուլի ծառայությունից NEWS.am-ին հայտնում են, որ կարեւորվել են բարձրաստիճան պատվիրակությունների փոխայցելությունները, գործարարների շփումների ակտիվացումը եւ գործարար համաժողովների կազմակերպումը:
Անդրադարձ է կատարվել տարածաշրջանային, ինչպես նաեւ` Լիբանանի ներքաղաքական խնդիրներին: