Դեկտեմբերի 1-2-ին Աստանայում կայացած ԵԱՀԿ գագաթաժողովը կարեւոր փուլ էր ԼՂ խնդրի կարգավորման հարցում: Այս մասին հայտարարել է Հայաստանի ԱԳ նախարար Էդվարդ Նալվանդյանը՝ հանդես գալով Մադրիդում Club de Madrid-ի եւ FRIDE-ի (Foundation of International Relations and Foreign Dialogue – Միջազգային հարաբերությունների եւ արտաքին երկխոսության հիմնադրամի) կազմակերպած հանդիպման ժամանակ: Նրա խոսքով, փաստացի ԵԱՀԿ անդամ երկրների բոլոր ղեկավարներն իրենց ելույթներում նշել են ուժի կամ ուժի սպառնալիքի կիրառման անթույլատրելիությունը:
Հայաստանի ԱԳՆ մամուլի ծառայությունից NEWS.am-ին հայտնում են, որ Էդվարդ Նալբանդյանը նաեւ նշել է, որ Աստանայի 5-ակողմ հայտարարության մեջ ամրագրվել է, որ ԼՂ խնդրի լուծման հիմքում պետք է լինենմ միջազգային նորմերն ու սկզբունքները՝ ՄԱԿ-ի կանոնադրությունը, Հելսինյկան եզրափակիչ ակտը, 2009-ի հուլիսի 10-ին Ակվիլայում եւ 2010-ի հունիսին Մուսկոկայում ընդունված հայտարարությունները:
«Աստանայում հերթական անգամ նշվել է, որ կարգավորման սկզբունքներն ու տարրերը մեկ ամբողջություն են եւ մեկ սկզբունքի գերակայությունը մյուսների նկատմամբ անհնար կդարձնի հավասարակշռված որոշումը»,- ընդգծել է Է. Նալբանդյանը:
Նա նշել է, որ ԵԱՀԿ գագաթաժողովը եւս մեկ անգամ հաստատեց, որ Հայաստանի դիրքորոշումը ԼՂ խնդրի կարգավորման հարցում համընկնում է միջազգային հանրության կարծիքի հետ: Նրա խոսքով, դա ակնհայտ էր նաեւ Հելսինկիում, Աթենքում եւ Ալաթիում ԱԳ նախարարների հանդիպման ժամանակ:
