«Գազպրոմ» ընկերության վարչության նախագահ Ալեքսեյ Միլլերը ներկայացրել է «Օխտա-կենտրոն»-ի շինարարության նախագծի մանրամասները։ «ՀայՌուսգազարդի» մեր հայ բարեկամները առաջարկել են Երեւանում հասարակական-գործարար կենտրոն կառուցել»,- այս մասին «Իտոգի» ամսագրին տված հարցազրույցում ասել է «Գազպրոմ» ԲԲԸ վարչության նախագահ Ալեքսեյ Միլլերը՝ անդրադառնալով «Օխտա-կենտրոն»-ի շինարարության նախագծին Սանկտ Պետերբուրգի Օխտինսկի հրվանդանում։
Ալեքսեյ Միլլերը հայնտարարել է, որ դեմ չէ Օմսկում, Վլադիվոստոկոմ եւ Երեւանում նման կենտրոններ կառուցելուն, քանի որ «Գազպրոմը» այդ քաղաքներից առաջարկություններ արդեն ստացել է:
NEWS.am-ի «ՀայՌուսգազարդի» աղբյուրները հաստատեցին, որ Երեւանում կարող է հասարակական-գործարար «Օխտա-կենտրոն» կառուցվել։ «ՀայՌուսգազարդի» նախկին տնօրեն Կարեն Կարապետյանը Միլլերի հետ նախնական պայմանավորվածություն է ձեռք բերել հասարակական-գործարար կենտրոն կառուցելու ուղղությամբ։ Կա նաեւ պայմանավորվածություն այն մասին, որ ռուսական կողմը պատրաստ է ներդրումներ անել Հայաստանի մայրաքաղաքում։
