Հեռահաղորդակցության գիգանտ Skype ընկերությունը, որն աշխարհում մոտ 23 մլն օգտագործող ունի, իր կայքէջում Լեռնային Ղարաբաղը նշել է որպես Հայաստանի մաս։ Այդ առթիվ ադրբեջանցիները որոշել են բողոքել։
Այսօր՝ դեկտեմբերի 20-ին ադրբեջանական day.az գործակալությունը կոչով դիմել է համերկրացիներին՝ բողոքի նամակներ ուղարկել Skype ընկերությանը։ Ադրբեջանցիներին դուր չի եկել այն հանգամանքը, որ ընկերության կայքէջում Լեռնային Ղարաբաղի վերաբերյալ տարիֆները ներկայացված են Հայաստանի հետ համատեղ, բացի այդ՝ Skype-ը հնարավորություն է տալիս զանգահարել Լեռնային Ղարաբաղ։
Ադրբեջանական գործակալությունը նույնիսկ հրապարակել է այն նամակի տեքստը, որն ադրբեջանցիները պետք է ուղարկեն Skype-ին։ Կարծում ենք՝ այդ ընկերությունում շատ կզարմանան՝ ստանալով հազարավոր նույնաբովանդակ նամակներ։
Ահա Skype-ի այն էջը, որտեղ նշված է Լեռնային Ղարաբաղը՝ որպես Հայաստանի մաս: