Այսօր՝ դեկտեմբերի 20-ին Խաչատուր Աբովյանի անվան մանկավարժական համալսարանում տեղի է ունեցել խորհրդի նիստ, որի նախագահ է ընտրվել Հայաստանի վարչապետ Տիգրան Սարգսյանը: Նիստի սկզբում իր թեկնածությունն է առաջադրել նաեւ «Ժառանգություն» կուսակցության պատգամավոր Անահիտ Բախշյանը, սակայն խորհրդի անդամները պաշտպանել են վարչապետի թեկնածությունը: Ա. Բախշյանը ինքնաբացարկ է հայտնել՝ հրաժարվելով մասնակցել քվեարկությանը:
Նիստը վարել է ԿԳ նախարար Արմեն Աշոտյանը, որից հետո Տիգրան Սարգսյանը լրագրողներին հայտնել էիր առաջիկա քայլերի մասին.
«Իմ առաջին քայլը կոլեկտիվի հետ հանդիպումն է եւ ես հույս ունեմ, որ այդ հանդիպման ժամանակ կկարողանանք գալ պայմանավորվածության ընդհանուր քաղաքականության շուրջ: Ինչպիսի փոփոխություններ պետք է մտցնենք բուհի աշխատանքներում որոնք են լինելու բուհի աշխատանքների առաջնահերթությունները եւ ինչ քայլեր պետք է ձեռնարկենք, որպեսզի բուհի որակը կտրուկ բարելավենք , որպեսզի մանկավարժական համալարանը դառնա լավագույն բարձագույն ուսումնական հաստատությունններից մեկը Հայաստանում»: