Մոսկվայի «Արարատի», «Անժիի» ու «ԲՄԱ- Խաբարովսկ»-ի նախկին գլխավոր մարզիչ Ալեքսանդր Գրիգորյանը հերքել է լուրերը, թե ժամանել է Երեւան ու պատրաստվում է պայմանագիր կնքել «Փյունիկ» ֆուտբոլային ակումբի հետ։
NEWS.am-ի թղթակից Վերա Մարտիրոսյանի հետ զրույցում նա նշել է. ««Չգիտեմ՝ որտեղից են հայտնվել այս նորությունները։ Ես ընտանիքիս հետ հիմա հանգստանում եմ ԱՄԷ-ում։ Երեւան կգամ նոր տարուց առաջ։ Այդտեղ են ապրում հայրս ու քույրերս։ Երբեք չեմ թաքցրել հայկական ֆուտբոլում աշխատելու ցանկությունս, բայց այս պահին ոչ մի քննարկումներ չկան»: