Ռուսաստանի վարչապետ Վլադիմիր Պուտինը վստահ է, որ Հայաստանը բարենպաստ պայմաններ կստեղծի երկրում ռուսական բիզնեսի համար, ինչը երկու երկրներին թույլ կտա առավել արդյունավետ համագործակցություն զարգացնել։
«Մենք հուսով ենք, որ Հայաստանի նախագահի աջակցությամբ մեր բիզնեսն իրեն հարմարավետ կզգա, եւ համատեղ ջանքերով մեզ կհաջողվի դուրս գալ նոր հորիզոններ»,- ՀՀ վարչապետ Տիգրան Սարգսյանի հետ դեկտեմբերի 22-ին Սանկտ-Պետերբուրգում տեղի ունեցած հանդիպման ժամանակ ասել է Պուտինը։
Նրա խոսքով, չնայած ճգնաժամին՝ «ռուսական ոչ ի ընկերություն չի գնացել Հայաստանից»:
ՌԴ վարչապետը նշել է, որ տնտեսական ճգնաժամի պայմաններում երկու երկրների միջեւ ապրանքաշրջանառությունը նվազել է շուրջ 20 տոկոսով,սակայն ընթացիկ տարվա 9 ամիսների ընթացքում ավելացել է 16 տոկոսով։ «Ճգնաժամի պայմաններում Ռուսաստանն աջակցել է Հայաստանին՝ 15 տարի ժամկետով տրամադրելով 500 մլն դոլար»,- հիշեցրել է նա:
ՌԴ վարչապետը երկու երկրների հարաբերությունները համարել է հատուկ մի քանի ուղղություններով՝ քաղաքականություն, ռազմական համագործակցություն եւ այլն: