2011 թ. հունվարի 1-ից կառավարությունը արմատապես կփոխի ընտանիքների անապահովության որոշման մեխանիզմները, ինչը կարեւոր նշանակություն ունի ընտանեկան եւ այլ տիպի նպաստներ ստացող մի քանի տասնյակ հազար մարդու համար։
Այսպես՝ ընտանիքի հանրապետությունից բացակայող անդամը սոցիալական անձնագրում եւ տեղեկատվական բազայում հաշվառվում է որպես ընտանիքի «բացակա» անդամ:
Գյուղացիները հնարավորություն կստանան ընտանեկան նպաստի համակարգից դուրս չմնալ այն դեպքերում, երբ 1-2 գլուխ խոշոր եղջերավոր անասուն ունեն։ Աշխատանքի եւ սոցիալական հարցերի նախարարության դիտարկումները ցույց են տվել, որ գյուղացիներից շատերը՝ նպաստ ստանալու ակնկալիքով մորթում են իրենց անասուններին։ Բացի այդ՝ անասունների գլխաքանակի վերաբերյալ տեղեկանքները այսուհետ պետք է տրամադրի ոչ թե գյուղապետը, այլ անասնաբույժը։
Նոյեմբերի 1-ից թոշակների 2500 դրամ ավելացումը մի շարք դեպքերում մարդկանց դուրս էր թողնում ընտանեկան նպաստի համակարգից։ Որոշվել է սույն բարձրացումը չդիտարկել անապահովության գործակիցներ հաշվարկելիս։
Եւ վերջապես՝ սահմանամերձ բնակավայրերում գնվող սեփական հողամասերը նունպես դուրս են հանվել անապահովության միավորներից։