Վրաստանի եվրաինտեգրացման հարցերով պետնախարար Գեորգի Բարամիձեն հայտարարել է, որ Վրաստանը կշարունակի զենք գնել Ուկրաինայից, հաշվի չառնելով Ռուսաստանի բողոքներն ու առարկությունները, հաղորդում է «Նովոստի Գռուզիան»:
«Մեր համագործակցությունը, այդ թվում նաեւ ռազմական ոլորտում, հիմնվում է մեր երկրների ազգային շահերի վրա: Ուկրաինան լուրջ պոտենցիալ ունի սպառազինությունների ոլորտում եւ լրիվ օրինական կարգով այն մատակարարում է: Չնայած ռուսական կողմի առարկություններին, միջազգային իրավունքի համաձայն նման առեւտուրը մեր երկրի հետ ոչ մի կերպ չի սահմանափակվում»,- հայտարարել է Բարամիձեն:
Հիշեցնենք, որ 2008-ի ռուս-վրացական պատերազմի ժամանակ Ռուսաստանը մեղադրեց Ուկրաինային Վրաստանին զենք մատակարարելու մեջ: