Նախաամանորյա թոհուբոհի մեջ ակնհայտորեն հաճախակիանում են այնպիսի հանցագործություններ, ինչպիսիք են գրպանահատությունը, պայուսակների գողությունն ու այս շարքի այլ օրինազանցություններ:
ՀՀ ոստիկանության NEWS.am-ին տրամադրած տվյալների համաձայն` 2010-ի 11 ամիսներին աձանագրվել է անձնական ունեցվածքի հափշտակման 2965 դեպք, որոնցից 1045-ը եղել են բնակարանային գողություններ:
«Տարվա վերջին ամսի տվյալները ոստիկանությունը կամփոփի դեկտեմբերի վերջին միայն»,-նշեց ոստիկանության լրատվական ծառայության աշխատակից Արմեն Մալխասյանը` հավելելով, որ հատկապես այս օրերին ոստիկանության աշխատակիցների հսկողությունը հասարակական կուտակման վայրերում առավել ուժեղացված է:
Իրավապահ մարմինների աշխատակիցները հորդորում են` նախատոնական եռուզեռի ընթացքում լինել աչալուրջ, ամուր պահել դրամապանակներն ու պայուսակները: