Երեւանում տան աշխատողը ոչ միայն մաքրել է տունը, այլեւ բառացիորեն «սրբել» իր գործատուի տան եղած-չեղածը:
Ոստիկանության մամուլի ծառայությունից NEWS.am-ին հայտնում են, որ Երեւանի Նոր Նորքի 7-րդ զանգվածի շենքերից մեկի բնակիչներից Անահիտ Ա.-ն ոստիկանությանը հայտնել է, որ դեկտեմբերի 20-ին ոմն Էլմիրա, մաքրելով իր բնակարանը, «ձեռքի հետ», գողացել է իր ոսկյա զարդերը:
Տանտիրուհին պնդում է, որ վնասը կազմում է 350 հազար դրամ: Նույն օրը ոստիկանության աշխատակիցները ոստիկանության բաժին բերման են ենթարկել 50-ամյա Էլմիրա Բ.-ին: Գողոնը մասամբ առգրավվել է:
