2010 թ. բանկային համակարգի շահույթը կազմել է 30 մլրդ դրամ (մոտ 83 մլն դոլար)։ Այդ մասին դեկտեմբերի 28-ին հայտարարեց Կբ նախագահ Արթուր Ջավադյանը։
2010 թ. բանկային համակարգի ակտիվները աճել են 17 տոկոսով, կապիտալը՝ 14, իսկ վարկերը՝ 25 տոկոսով։
Ըստ Ա. Ջավադյանի՝ երկրում աճել է ֆինանսական միջնորդության մակարդակը։ Բանկային համակարգի ակտիվները ներկայում կազմում են ՀՆԱ 46 տոկոսը, ինչը նախորդ տարվա համեմատ ավելացել է 4,1 տոկոսային կետով, իսկ 2008 թ. համեմատ՝ 18 տոկոսային կետով։
Միջնորդության աճին նպաստել է նաեւ օտարերկրյա ինստիտուցիոնալ ներդրողների կողմից մոտ 80 մլրդ դրամ (մոտ 220 մլն դոլար) զուտ ներհոսքը, որն ուղղվել է վարկային շուկա՝ նպաստելով տոկոսադրույքների նվազմանը։ ԿԲ նախագահի տեղեկացմամբ՝ այսօր արդեն առանձին բանկեր թափանցիկ եւ զարգացման հեռանկար ունեցող բիզնեսներին առաջարկում են վարկեր նույնիսկ 9-10 տոկոս տարեկան տոկոսադրույքով։