Շախմատի միջազգային ֆեդերացիան հրապարակել է համաշխարհային դասակարգման աղյուսակը` 2011թ. հունվարի 1-ի դրությամբ: Լեւոն Արոնյանը շարունակում է զբաղեցնել երրորդ տեղը` 2805:
Դարձյալ առաջին տեղ է բարձրացել Մագնուս Կարլսենը (2814): Աշխարհի չեմպիոն Վիշվանաթան Անանդը երկրորդն է (2810):
Տասնյակում են նաեւ Վլադիմիր Կրամնիկը (2784), Սերգեյ Կարյակինը (2776), Վեսելին Տոպալովը (2775), Ալեքսանդր Գրիշչուկը (2773), Շաքրիյար Մամեդյարովը (2772), Վասիլի Իվանչուկը (2764) եւ Հիկարու Նակամուրան (2751): Հայաստանի շախմատային ֆեդերացիա տեղափոխված Սերգեյ Մովսիսյանը (2721) զբաղեցնում է 26-րդ տեղը: Վլադիմիր Հակոբյանը (2675) 63-րդ տեղում է, Գաբրիել Սարգսյանը (2667) 75-րդ տեղում է: http://ratings.fide.com/topstat.phtml
Երկրների դասակարգման աղյուսակում, տղամարդ շախմատիստների արդյունքներով Հայաստանը հինգերորդն է` զիջելով միայն Ռուսաստանին, Ուկրաինային, Ֆրանսիային եւ Չինաստանին: http://ratings.fide.com/topfed.phtml