Ռուսաստանի Պետդումայի պատգամավոր, ԱՊՀ երկրների ինստիտուտի տնօրեն Կոնստանտին Զատուլինի կարծիքով, ղարաբաղյան հակամարտության գոտիում իրադրությունն ավելի տագնապահարույց է դարձել:
«Այժմ բոլոր ջանքերն ուղղված են ռազմական գործողությունների բռնկումը կանխելուն: Ցավոք, տարբեր պատճառներով, կողմերն ավելի ծայրահեղ անհանդուրժողականություն են ցուցաբերում: Իմ անձնական կարծիքով, ավելի կոշտ է դարձել Ադրբեջանի դիրքորոշումը», - Pravda.ru-ի հետ զրույցում հայտարարել է Զատուլինը:
Նրա կարծիքով, դա կապված է հայ-թուրքական կարգավորման գործընթացի իրական կամ թվացյալ ձախողման հետ, ինչը ոգեւորել է Ադրբեջանի ղեկավարությանը:
«Նրանք կարծում են, թե եկել է ղարաբաղյան հակամարտությունը Ադրբեջանի պայմաններով կարգավորելու համար միջնորդներին պահանջներ ներկայացնելու պահը: Սակայն այդ հակամարտությունը Ղարաբաղին ու Հայաստանին միակողմանիերոն լուծում պարտադրելով կարգավորել հնարավոր չէ», - ասել է Զատուլինը: