Մոսկվայում 2010-ի դեկտեմբերի 14-18-ին անցկացվել է ֆուլ-կոնտակտ ձեռնամարտի FCF-MMA աշխարհի առաջնությունը, որին մասնակցել են 130 մարզիկներ Աբխազիայից, Ալժիրից, Հնդկաստանից, Իրանից, Նիգերիայից, Ղազախստանից, Ռուսաստանից, Տաջիկստանից եւ Չեխիայից:
Առաջնության ընթացքում մեծ հաջողությունների են հասել հայերը, որոնք հանդես են եկել Աբխազիայի դրոշի ներքո: Մասնավորապես, արծաթե մեդալ է նվաճել Աշոտ Կերսելյանը, գրում է «Երկրամաս» թերթը:
Դեկտեմբերի 18-ին Մոսկվայում տեղի է ունեցել նաեւ մարտական սամբոյի առաջնություն, որտեղ առաջին անգամ Աբխազիայի ներկայացուցիչները հանդես են եկել իրենց երկրի դրոշի ներքո: Աբխազիայի ներկայացուցիչներից լավագույն արդյունք ցուցադրել է գերծանր քաշային Էռնեստ Կոստանյանը, ով նվաճել է արծաթե մեդալ:
