Հունվարի 16-ին, ժամը 18.00 սահմաններում, Երեւանի Վաղարշյան 1 հասցեում գտնվող շենքի բակում հայտնաբերվել է մոտ 80 տարեկան կնոջ դիակ: Ինչպես NEWS.am-ին դեպքի վայրից հայտնեց ֆոտոլրագրող Գագիկ Շամշյանը, դեպքի վայր է ժամանել 1-03 “Շտապ օգնության” բրիգադը, բայց, քանի որ, կինն արդեն մահացած էր, նրանք սպասել են այնքան մինչեւ դեպքի վայր են ժամանել Ոստիկանության Արաբկիրի բաժնի աշխատակիցները: Պարզվել է, որ մահացածը 82-ամյա Օֆելյա Թադեւոսյանն է:
Նշված շենքը 16 հարկանի է, եւ բնակիչները Շամշյանի հետ զրույցում ասել են, որ հնարավոր է կինը ցած է նետվել բնակարանից կամ տանիքից: Թե, ինչ է իրականում տեղի ունեցել կնոջ մահվան հանգամանքները կպարզեն Հայաստանի Ոստիկանության քննչական գլխավոր վարչության Արաբկիրի քննչական բաժանմունքում, որտեղ նյութեր են նախապատրաստվում:
Լուսանկարները եւ տեսանյութը՝ Գագիկ Շամշյանի