Վրաստանի ԱԳ նախարար Գրիգոլ Վաշաձեն հունվարի 17-ին պաշտոնական այցով կմեկնի Ադրբեջան։ Այցը կշարունակվի մինչեւ հունվարի 19-ը։
Վաշաձեն կհանդիպի իր ադրբեջանցի գործընկեր Էլմար Մաեդյարովի հետ։ Նախատեսված է նաեւ նրա հանդիպումը Ադրբեջանի նախագահ Իլհամ Ալիեւի հետ, գրում է ադրբեջանական Trend գործակալությունը։
Սպասվում է, որ կողմերը կքննարկեն տնտեսական եւ երկկողմ համագործակցության վերաբերյալ հարցեր։ Դրանց թվում կքննարկվի նաեւ վրաց-ադրբեջանական սահմանի դելիմիտացիայի հարցը։