Ռուսաստանի հետ վիզայի ռեժիմի չեղյալ համարումը շատ կարեւոր է Թուրքիայի համար, քանի որ ամեն տարի այդ երկիր է այցելում 3 մլն ռուս զբոսաշրջիկ: Այս մասին Ռուսաստանի արտգործնախարար Սերգեյ Լավրովի հետ համատեղ ասուլիսի ժամանակ հայտարարել է Թուրքիայի արտգործնախարար Ահմեդ Դավուդօղլուն:
Նա նշել է, որ Թուրքիան հուսով է , թե արդեն այս տարի չեղյալ կհամարվի վիզային ռեժիմը:
Իր հերթին Ռուսաստանի արտգործնախարար Սերգեյ Լավրովը հույս է հայտնել, որ վիզային ռեժիմի չեղյալ համարվելուց հետո ավելի կմեծանա ռուս զբոսաշրջիկների հոսքը Թուրքիա:
Լավրովի խոսքով, ռուսական կողմից բոլոր ներպետական ընթացակարգերն այս ուղղությամբ արդեն ավարտված են:
«Երբ դրանք ավարտվեն նաեւ թուրքական կողմից, մենք պաշտոնապես կարող ենք հայտարարել վիզայի ռեժիմի չեղյալ հայտարարելու մասին»,-ասել է Լավրովը:
Ռուսաստանի արտգործնախարարի խոսքով, երկու պետությունները բավականաչափ ներուժ ունեն ապագայում 100 մլն դոլարի ապրանքաշրջանառություն ապահվելու համար:
