Ներկայումս դժվար է հստակեցնել այն հարցերի շրջանակը, որոնք քննարկել են Հայաստանի եւ Վրաստանի նախագահները Երեւանում կայացած հանդիպմանը, քանի որ տեղեկատվությունը շատ քիչ է: Այս մասին NEWS.am-ի թղթակցի հետ զրույցում նման տեսակետ հայտնեց վրացի քաղաքագետ Զուրաբ Աբաշիձեն, մեկնաբանելով Վրաստանի նախագահ Միխայիլ Սահակաշվիլիի այցելությունը Հայաստան:
«Սկզբունքորեն, այս այցելությունը սովորական երեւույթ է, քանի որ Հայաստանն ու Վրաստանը դարերով հարեւան երկրներ են: Միակ բանը, որ կարելի է ասել, դա այն է, որ նմանատիպ բարձր մակարդակի հանդիպումները միանշանակ դրական ազդեցություն կունենան, քանի որ օգնում են լուծել արդիական հարցերը»,- ասել է նա:
Հիշեցնենք, որ Վրաստանի նախագահ Միխայիլ Սահակաշվիլին այսօր՝ հունվարի 22-ին աշխատանքային երկօրյա այցով ժամանել է Հայաստան:
