Հայաստանի առաջադիմական կուսակցությունը (ՀԱԿ) իր այսօրվա՝ հունվարի 22-ի համագումարում որոշում է կայացրել միանալ «Բարգավաճ Հայաստան» կուսակցությանը:
ՀԱԿ-ի համագումարին մասնակցել է նաեւ ԲՀԿ առաջնորդ Գագիկ Ծառուկյանը, ելույթ է ունեցել այնտեղ՝ ողջունելով Հայաստանի առաջադիմական կուսակցության այս որոշումը:
Հայաստանի առաջադիմական կուսակցության նախագահ Տիգրան Ուրիխանյանն այս առնչությամբ հիշեցրել է, որ ԲՀԿ-ին միանալու որոշումը ՀԱԿ-ի վարչությունը կայացրել է դեռ 8 ամիս առաջ, իսկ այսօր համագումարը հաստատել է այդ որոշումը:
Հիշեցնենք, որ Ուրիխանյանը ժամանակին հանդես էր եկել կառավարության հրաժարականի պահանջով:
