Մոսկվայի «Դոմոդեդովո» օդանավակայանում տեղի ունեցած ահաբեկչության զոհերի թիվը հասել է 35-ի, հայտնել է օդանավակայանի մամուլի քարտուղար Ելենա Գալանովան: Եվս 130 մարդ վիրավորվել է: Նրա խոսքով, շարունակվում է վիրավորների տարհանումը, ովքեր գտնվում են օդանավակայանի բուժկետում:
Ինչպես արդեն նշել է NEWS.am-ը, «Դոմոդեդովո» օդանավակայանի միջազգային տերմինալում հունվարի 24-ին, ժամը 16:40-ի սահմաններում (Երեւանի ժամանակով ժամը 17:40-ին) պայթյուն է որոտացել: Նախնական տվյալներով, պայթուցիկ սարքը գործի է գցել մահապարտ-ահաբեկիչը:
Հայաստանի ԱԳՆ-ն ներկայումս պարզում է՝ կա՞ն արդյոք հայեր եւ Հայաստանի քաղաքացիներ պայթյունից տուժածների ցանկում:
«Դոմոդեդովոյի» պաշտոնական կայքում հաղորդվում է, որ հետաձգվում են չվերթները Հայաստանից, Չինաստանից, Գերմանիայից, Թուրքիայից, Վիետնամից: