Վրաստանի նախագահ Միխայիլ Սահակաշվիլին եւ Ադրբեջանի նավթային պետական ընկերության (SOCAR) ղեկավար Ռովնագ Աբդուլաեւը հունվարի 24-ին բացել են Փոթիի գազամուղի առաջին հատվածը։ Խողովակաշարը կառուցել է SOCAR Georgia Gas Ltd ընկերությունը։ SalamNews-ի փոխանցմամբ, 6.8 կմ երկարությամբ քաղաքային գազատարի առաջին հատվածը գազով կապահովի 9 բնակելի համալիր եւ մի քանի մասնավոր հիմնարկներ։ Առաջին հատվածն ունի 707 բաժանորդ։
Նշենք, որ Վրաստանում ադրբեջանական ընկերությունը կառուցելու է, ընդհանուր առմամբ, ավելի քան 1500 կմ երկարությամբ գազատար։ Ծրագրի բաժանորդների մոտավոր թիվը կկազմի 150 հազար։ Սամեգրելոյի շրջանում, այսինքն՝ Փոթիում ու նրա մերձակայքում կկառուցվի 150 կմ երկարությամբ գազատար։ Գազով կապահովվի 17 հազար բաժանորդ։