Ռուսաստանի Տամբով քաղաքի Պետրովսկի շրջանում Հայաստանի 23-ամյա մի քաղաքացու դատապարտել են տեղացի բնակչի սպանության համար: Տամբովի քննչական վարչության տվյալներով, Ժորա Վարդանյանը մեղավոր է ճանաչվել մի շարք հանցագործությունների, այդ թվում սպանություն կատարելու մեջ:
Ինչպես պարզել է քննությունը, ծեծկռտուքի ժամանակ Վարդանյանը բաճկոնի գրպանից հանել է դանակն ու հարվածել տղամարդու կրծքավանդակին: Վարդանյանը դեպքի վայրից փախուստի է դիմել: Վիրավորին տեղափոխել են մերձակա հիվանդանոց, բայց բժիշկներին չի հաջողվել փրկել նրա կյանքը:
Դատարանն, ընդհանուր առմամբ, Վարդանյանին դատապարտել է 12 տարվա ազատազրկման՝ խիստ ռեժիմի գաղութում: