Վրաստանի ոստիկանությունը ձերբակալել է Թբիլիսիի «Կորտիարդ Marriott» հյուրանոցում Ֆրանսիայի քաղաքացի Ստեֆան Կոխի սպանության կասկածյալին: Փաստի կապակցությամբ ձերբակալվել է մի դեռահաս, ում անունը չի հաղորդվում:
Քննության տվյալներով, Թբիլիսիի «Կորտիարդ Marriott» հյուրանոցում հունվարի 27-ի գիշերը դեռահասը վիճել էր «Սիստրա» ընկերության ներկայացուցչի հետ, եւ հարվածել ֆրանսիացուն: Նախնական տվյալներով, գողը հյուրանոց էր մտել հետնամուտքից:
Մարդասպանը վերցրել է երեք բջջային հեռախոս, լեփթոփն ու լուսանկարչական ապարատը: Ոստիկանությունը դեպքի մասին տեղեկությունները ստացել է տեսախցիկներից: Դեռահասը ձերբակալվել է, գողոնն առգրավվել է: Հարուցվել է քրեական գործ կանխամտածված սպանության հոդվածով:
