ԵԽԽՎ Լեռնային Ղարաբաղի հարցով ենթահանձնաժողովի աշխատանքների վերսկսումը ցանկալի երեւույթ չէր, սակայն սպասելի էր։ Այս մասին NEWS.am-ի թղթակցի հետ զրույցում ասաց ԱԺ ԲՀԿ խմբակցության պատգամավոր Վարդան Բոստանջյանը։ Նա նշեց, որ ենթահանձնաժողովի վերագործարկումը միջազգային մի շարք պայմանագրերի ու պայմանավորվածությունների խախտում կարելի է դիտարկել, քանի որ արդեն իսկ գոյություն ունի ԵԱՀԿ Մինսկի խումբ, որը վիճելի հարցերի շուրջ բանակցությունների համար հող է նախապատրաստում։ «Այլ կառույցների մուտքը կարող է ապակողմնորոշիչ դեր ունենալ։ Եւ բանականաբար՝ դեմ եմ այդ կառույցին»,-հայտարարեց Բոստանջյանը։
Նշենք, որ հունվարի 28-ին ԵԽԽՎ բյուրոն որոշել է վերստեղծել ԼՂ հարցով հատուկ հանձնաժողովը։ ԵԽԽՎ-ում ՀՀ պատվիրակությունը չի մասնակցել համապատասխան քվեարկությանը, հայտնելով, թե չի պատրաստվում մասնակցել «թունոտ հռետորության եւ փոխադարձ մեղադրանքների» եւս մի հարթակի աշխատանքներին։
Հանձնաժողովի նախագահ է դարձել Իսպանիայի պատվիրակ, 38-ամյա Ժորդի Խուլգա ի Կոստան, որին առաջադրել է Լիբերալների եւ դեմոկրատների այլանս (ALDE) խմբակցությունը։ Նրա թեկնածության շուրջ ԵԽԽՎ-ում ՀՀ պատվիրակության անդամների հետ քննարկում չի եղել։ Նախկինում այդ ենթահանձնաժողովը
Հիշեցնենք, որ 2005 թվականին ԵԽԽՎ-ի կողմից ընդունվեց 1416 բանաձեւ, որի հիման վրա սկսեց գործել ԼՂ հարցով ենթահանձնաժողովը։ Այն գլխավորեց լորդ Ռասել Ջոնսթոնը, ով որոշ ժամանակ անց խոստովանեց, որ ենթահանձնաժողովի գործունեությունն անարդյունավետ է։
